2013年3月6日 星期三

再談中國南車(1766)

有網友像我一樣買了中國南車(1766),而中國南車(1766)跌破我先前所在圖表上劃的支持位$6。25(並非$6。27),是否應該止蝕?

首先,買股票並不是一開始就是可以賺錢,有時真的要守下,問題是應該守下去如否?

中國南車(1766)佔中國的鐵路的機車,高鐵等半壁江山市場,而中國的而且確目前是很需要加大鐵路的發展:

報道指2050年中國地鐵總里程將擴大10倍

2013-02-14

《南華早報》日前報道,根據計劃,2050年內地城市的地鐵總里程將幾乎相當於現在的10倍,以配合新領導層加快城鎮化進程的決心。

根據內地軌道車輛製造商中國北車的文件披露,估計內地城市到2015年,地鐵里程將達3000公里;到2020年,里程達6200公里;而到2050年,地鐵總里程達11700公里。而中國北車未來幾年,將向地鐵建設投資1.6萬億元人民幣(下同)。

據專家計算,目前全國在建軌道交通項目和2012年之前規劃的項目計劃投資總計逾萬億元。而2012年逾9000億元的新增投資,將為地方政府增加5500億元銀行貸款,而未來6-8年,該新線路還需要再投3600億元。相比之下,去年南水北調工程當年的投資額僅為652億元。




雖然這個報導說的是很長遠,但已是告知了鐵路在中國的長遠發展,鐵路不會是一開始就增長10倍,而是每年都有穩定的增長,才可以在2050年將里程增長10倍!

當理程增長後,對鐵路上的機車/高鐵/動力的需求自然增加,而基本上這些機車的生意,是肥水不流別人田,最後都是由中國南車(1766)或中國北車生產。

最近買回中國南車(1766)是基於跌下來的事件已開始沖淡,再加上有很多新聞,知道這間公司已重新有機車出口。所以不是單靠祖國的單一市場。而目前,很多人仍然當中國南車(1766)是一隻鐵路股,但如果有跟開中國南車(1766)這間公司,已知這間公司並不是只做高鐵,機車等,還有很多產品類別。

最近的下跌,即是今天的逆市下跌,是有官員說未有需要招標,因為現時要招標的已招左,而生產商並不是忙於要再爭標,而是要把握時間把手頭上的訂單完成。

由於有些人預期快招標去唸住短線買入中國南車(1766),如意算盤打出是乘機在高消息下炒高出貨,點知個官員的回應,就一盤冷水潑去短炒友身上,所以他們要出貨吐現,因為他們要資金炒過第二隻。

基於中國南車(1766)的行業的獨特性,業務有寡頭壟斷性,加上中國央企的背景,所以以股值去論,市盈率是13倍PE-20倍PE之間。

我的估值是基於中國南車(1766)的基本因素,而這個基本因素去衡量,除非市況很差或抑或再有一些如高鐵跌了下來的事故,PE跌低過13倍的機會是很低的。

由於今年的投資主題並不是高鐵的故事,加上高鐵並不是今年的新事物,再加上中國南車(1766)的盈利基數已大,盈利增長的百份比難有先前的高百份比增長,所以PE亦好難高過20倍。

因此,我先前說過中國南車(1766)最低是跌至$5。6左右,何解?

中國南車(1766)現價$6。14,以往績市盈率計是15。27倍,即是平均一倍就是$0。4左右,如果中國南車(1766)的股值是13倍PE的話,股價就是$5。227。由於15。27倍是一個歷史數字,而預期中國南車(1766)今年有些增長,所以預期PE跌至13倍之時,正是股價在$5。6左右。

所以如果真的股價跌至$5。6,我亦會再增持。

現價$6。14,比起我買入的$6。3X左右,要少少座艇,但我沒有打算止蝕,原因是我不是短炒。

看開我寫這些文章,都可以了解我不是跑短途,基於需要工作,跟本我是不適合炒短線,除非我第日退休冇野做,有少少錢就可以日日對住部電腦炒股,我就可以日日同佢打[運動戰]。但現時這個作戰方針,對我來說是不適合。

我很難放很多時間[目及]住個市,所以每次買貨賣貨好多時是在競價時段(雞啼價)做買賣,因為只有這段時間我才有時間看,之後要上班去,跟本好難去分心日日按住部手機睇股價。

一開始看長線,抑或短線,是好決定到你是否應該止蝕或止賺。由於我是看長線的,所以很多股票即使升了很多,我仍然是持有睇戲,有質素的股票是要肯座才可以賺到錢的。

先幾天才有網友談這隻中集安瑞科(3899),當時又玩震倉,要他輸幾十萬啊。點知話口未完,今天又創新高,這些波幅,真係玩死人,定力唔夠一定被震走。

股票是長期作戰,亦有很多風險在此,我用孖展買賣,其實已做到好盡,所以如果個市跌得多,我都會被股票行CALL孖展。

所以,我是有風險管理的,第一,是組合內有一定的防守性股份!當市況向下,資金走向防守性股份,那麼就可以減低大市波動時的影響。

第二,是如果真的大跌市,是先要沽出一部份股票,以免萬劫不保,留得青山在,那怕冇柴燒,所以如果在這個情況發生,我是會[止蝕]去保障自己先。

第三,就是有現金儲備。雖然我是借爆孖展,但並不是代表我沒有錢補倉。而是我早已預備左錢可以補倉。所以表面上是借盡,但其實尚留有一手的。

不把錢放有股票戶口的原因是如果你想要在股票戶口提款,你是要沽凸孖展額,即是沒有在證券行有借貸及有正盈餘,才可以提款。就是有這麼麻煩,所以我是唔入錢入股票戶口的,只是長期用啲錢滾來滾去。

總結來說,止不止蝕是看你的態度:

1。短線/長線?
2。目前的風險水平
3。你等唔等錢使?
4。你有冇更好路數?
5。你認為你沽了之後,股價仲可以跌幾多?


YOKI WONG 










42 則留言:

提到...

yoki兄,

816之前的確不太受市場關注, 但最近有報紙佬推介816, yoki兄會如何看待這種事情? 會否視為一個見頂訊號?

kit2012 提到...

sir, 耀才MARGIN ACC,可以提款

new night 提到...
作者已經移除這則留言。
new night 提到...

YOKI SIR

望見隻777走向敏感三角尾段, 心情都難以形容, 想請問這樣的走勢會否向上偏多呢?

775公佈業績後有錢賺, 竟然跌7%, 巿場攪錯?

YOKIWONG 提到...

覆祖:

報紙佬開始吹是好事,只要你是報紙佬吹前入貨就好了。最蝕章的是報紙佬一路路吹,隻股上了很多之後,先至忍唔住來追,就有些危險了。

隻股而家先開始炒,所以文章標題是[xxxx初落鑊]就是這個意思,而家PE仲是低,應該有牌未玩完!

YOKI WONG

YOKIWONG 提到...

覆Kit2012:

多謝資料,但我唔轉得,有好特別的原因!

Yoki Wong

YOKIWONG 提到...

覆newNight:

777 好難講,靜觀其變,無論向上抑或向下,我都是抱長線,所以我並不太介懷短線走勢。

775跌是好正常,因為即使是盈利上升40%,但PE都要40幾倍,是十分高的水平。但PE長期持續高水平,是市場已有很多資金預期皮膚癌的藥最終過關,如是,股價肯定仲可以在現水平對開,但如果最後是唔得,隻股可以跌幾成,所以這隻股是帶投機性,有些[賭博]味道。

所以面對這類股,小注怡情吧,好像我這樣,就可以泰然面對。

YOKI WONG

YIU JACKJACK 提到...

YOKI SIR:昨日我在6.22入佐410SOHO,唔知你點看此股,我想問下我想搜尋一些在50天線和破歷史高位的股票,唔知有咩軟件或網站可幫手,謝謝^^

匿名 提到...

Yoki sir:請問388同939睇

Ricky Lam 提到...

YOKI 兄,

#816等環保股好像有暗湧,暫時目標不變?

new night 提到...

Sir
唉....777破位了!!
若仍然睇長線, 今次會跌到咩位呢?

new night

YOKIWONG 提到...

覆Jack:

410我自己沒有買過,原因是我覺得這間公司的地產項目比較集中在北京,當然亦有其他,但亦是在大城市.

我自己覺得買樓最緊要是這些地方氣候怡人,沒有太大的污染,才是安居之所.然而,410的地產項目很多是在高污染及會天寒地涷的地方,所以我覺得物業的升值潛力會比一些氣候好,沒有太大的污染,亦有足夠的生活方便及就業方便的地產項目差了.

所以我自己比較喜歡買南方的發展商,如123,正是如此.

YOKI WONG

YOKIWONG 提到...

覆匿名:

388 是要看成交,只要成交維持到700多億,股價應可再上,最大的買點是今年的ipo應該會比上年多,所以下次派成績表前,應該有些炒作.

939 好耐冇買了,N年前抽IPO,再在$3個幾買了一些,$6沽了至現在,已是N年前的事!

但N年後到今天,股價仍然是$6.XX,過了咁多年,股價仍然是原地踏步,所以不要期望過高吧!!

YOKI WONG

YOKIWONG 提到...

覆RICKY:

我買股是比較長線的,所以對股價的短線波動,無論升與跌都不是追得那麼緊.

雖然由買入至現在這短短的時間都好似升了十幾個%,但都不代表什麼,我認為此股是可以在我買入的價位,倍升或近倍升.所以短線升得快了又多了,好自然是有人要食吓糊,沒有什麼太出奇吧,我仍然是選擇坐,唔理佢擺埋一便!

YOKI WONG

YOKIWONG 提到...

覆 New Night:

今天的跌集中於尾市時段,沽盤很大,是插價式沽,所以有4大可能:

1.是震倉
2.是有消息人仕知道有壞消息出
3.技術性走勢是淡友力量佔優,好友投降
4.有人被斬倉,引發連鎖效應

如是1,第日才會知原來是震倉
如是2,很快會有消息出
如是3,短期要捱吓價先
如是4,明天應該會彈番上去

Yoki wong

匿名 提到...

請問Yoki sir中國中鐵390前景如何?
深圳國際152是否已經炒完?
謝謝!

Eric_chiu 提到...

跟YOKI SIR你買入左384, 平均價8.8X入貨,一入就日日跌

而家輸左6萬幾....好灰

唔知係咪我黑仔坐沉YOKI SIR你隻船,請問我而家應唔應該止蝕?? 會唔會無底深潭咁插,而家日日都好難受,因為我把所有積蓄都買入這隻股入面

John 提到...

我買主777都損失左120000萬,
而家隻股好似無底,咪仲驚。

Eric_chiu 提到...

777我都有買,仲要係高追,好在只係少注。
但隻384 YOKI SIR話燃氣股無風險我先訓身,D錢係同我女朋友儲黎結婚,384唔升番我真係唔知點算

YOKI SIR 請你比比意見~

John 提到...

To Eric_chiu,

我覺得呢,呢個世界應該係無無風險的股。

其實買股只可以用閒錢,搵命搏,
心理質素一定差。


何況,Yoki Sir,可能工作繁忙,不一定及時回覆你。
不能坐的話,買股都是自行設定止信蝕好呢。

提到...

TO ERIC_CHIU,

同意JOHN所講, 力不到不為財, 你估睇下人地貼邊隻就訓身咁易賺錢咩, 大家係呢度都係交流下意見, 你見YOKI SIR都唔會一隻獨WIN, 都係成個組合咁買, 岩價先入貨, 你高追得都預左有風險架啦.

呢度小小錢蝕咪當買個教訓, 遲好過早.

匿名 提到...

信錯流料更係要知教訓啦,
人地奶咗嘢都已經唔好受,
洗唔洗係度插人呢!


Eric_chui 提到...

Yoki sir,
請你比比d意見,呢個月內追唔番果d錢真係女朋友都無埋,唔該你

YOKIWONG 提到...

To: Eric Chu

我是看好燃氣股的前景,所以仍然會洞機增持.大家都是同是持有燃氣股,當中包括中國燃氣(384),但我買入的價位與你相差甚遠,我只是好似在$5.X左右,實際已唔係太記得了!

當時我買入,在當時的價位來說也是高位,因為當時是剛剛急升上來,其實我也驚自己是接火棒,所以在[投資推介會]中也直按問佢老細梁先生,而家先至入,會唔會接火棒呀(回顧可看回視頻).

及後隻股再上,但我沒有再加注,因為我自己都擔心會高追左,而持貨價相對當時股價已差很多,所以可以安心座.

其實,我已準備了現金,但是一直沒有入市,因為我唔想博,而是預備了如果個市唔掂,畀人追孖展時我有錢補倉或者是股價去到吸引的水平,是可以撈底.

股是同一隻,但點處理及步署是各有各的方式,所以同一隻股,有人是贏錢,同時亦有人要輸錢.

最近工作繁忙,努力賺現金最實際。股價跌,在好一方面想是一個低吸的機會,但是問題在於這時你有冇錢入這個問題。

股票是沒有長升不跌的,升時亦不要太過雀躍,跌時亦不要太過灰心。投資是長線,投資是持久戰,不是一天兩天的事,而是一個紀律。

在畢業後,已經過廿年的工作了,人生的起起跌跌已習以為常,我曾經在起的時候爬得很高,但爬得很高時,又試過跌到衰過破產,而家又再次重新振作,So What ? 這就是人生了!

股市有上有落才是股市,只要看得化,有什麼大不了?

YOKI WONG

YOKIWONG 提到...

To 祖:

我不是沒有試過重注落一隻股身上,但是結果我也買了一個好深刻的教訓。

很久很久以前,買隻明珠興業(988),當時曾經幫我賺過很多$,於是心雄到成副身家訓上去,結果渣都冇埋!

及後,又有一隻歐亞農業(932),也時當時幫我賺過很多$,亦是心雄到重注落隻股身上,結果除埋牌!

所以,這些教訓令我認識到注意風險的重要。好似即使先前看好REITS,也不會沽注一擲放晒到其中一隻身上,因為我怕危險!

當大家認識到危險,其實危險並不可怕,最可怕是唔知危險的存在。

YOKI WONG

YOKIWONG 提到...

To John:

每個人的持貨能力唔同,假使我應付不來,我也是會止蝕,這是好閒的事,留得青山在,那怕冇柴燒?

但是現時我未至於有這個需要,在前一篇文章,已說出我的部署,是兩手準備的,並不是盲目向好,也不會盲目向淡。

YOKI WONG

Rita 提到...

Wong Sir,
前幾日見個市在跌到接近RSI30時, 突然大成交升了幾百點, 就以為個市跌定轉勢, 急住入貨, 依家除了778, 135外,其他都要坐貨! 大陸個市升唔起, 如果美國又高位回落, 可能會跌得更深! 唉! 仲有六分一 "子彈", 希望可入到平貨!
好想入燃氣股, 入了135, 但又升好少, 其他又太貴!!!!

Rita 提到...

Wong Sir,
460點睇? 大陸扶持醫藥發展, 又有6厘幾息

北潭坳 提到...

To Yoki Sir:

想問吓1988點睇? 調整到咩位可以入?

環球 提到...

816 如何看?

Rita 提到...

唉! 3983及1766都是止蝕收場, 好在816同777冇高追, 唔係就更慘, 希望遲D可以賺番啦! 睇個市都仲未跌完!

Eric_Chiu 提到...

唉~我仲HOLD住1766 同777, 今早見風高浪急7.89沽左384, 諗住入隻高息股2266可以安全一D,2.34追了,下午又急插....現在已經輸左40%,再追唔番唔知點同女友交代

匿名 提到...

樓上, 真唔真丫, 有冇咁黑仔丫, 我覺得你依家要ge系冷靜, 唔系胡亂換馬. 另外, 鐵路股我有睇法,鐵路局盡行大改格,涉及到好多利益關糸,睇唔清,所以好多人沽左先算! 另外, 南車狂減持816吐現. 可能好等錢洗.可能同鐵路局改格有關. 所以鐵路股依期咪亂掂

股壇新手 提到...

Eric兄, 買股票, 真係用閒錢先好

如果你諗住今日買, 聽日升, 後日升, 一直好似一枝火箭升到4萬點, 係冇可能既事

777 peg 我計過係好抵, 我都有貨, 奈何市場反應唔係你計完抵就會反映出黎..

買股票前最好諗左最worst 咩情況, 你384跌少少換馬就係你之前冇諗過佢會跌

咁講可能好馬後炮, 但係你事前應該諗, 我買384 係長線定短線, 短線既話, 我咩位止蝕
長線, 佢跌到咩位, 因為抵, 我再買

eric兄你要小心d, 我見你咁急想贏返, 我怕你去買熊証, 佢回頭升返.. 真係渣都冇..

千其唔好玩牛熊, 渦輪.. 冷靜d

呢次應該係調整, 各方面既經濟數據係好緊, 政府退市, 銀行加息, 都係因為經濟好緊既事黎

good luck



匿名 提到...

請問Yoki sir中國中鐵390前景如何?
深圳國際152是否已經炒完?
謝謝!

easychun 提到...

To Yoki sir:
請問中化化肥(297)近日成交急增 ,是否跟即將公布業績有關?還是有其它因素?

Eric_chui 提到...

好驚!!384 點解急跌12%?
最多仲跌成15%
重貨左,會唔會升唔番??

Tsang Gary 提到...
作者已經移除這則留言。
匿名 提到...

樓上位 Eric 又話 7.89 沽,咁驚咩呢?
巿場波動日日都有,知點解又有什麼意思?

Eric Chiu 提到...

星期五見跌左少少又追番…完全無諗過燃氣股可以跌咁多…希望星期一彈番上8蛟比我走

匿名 提到...

樓上那位人兄:
如你所說的買賣是真的, 我勸你早些沽貨離場!你這樣胡亂買賣, 只會"贏粒糖、輸間廠"!
如果是假的, 那花時間做些有用的事情吧!

匿名 提到...

去潛水?