盈警之下的操作

昨天晚上，國電科環（１２９６）發出了一個盈警：

這些盈警，先勿論是真盈警，假盈警都好，都不是決定否要應該要走抑或留低的因素！

最重要是要估計其他的投資者將會做什麼！

這些情況，即等於美股隔晚崩盤，明天香港預左要跌幾百點的情況類似，即是這是［假盈警］，在預期會觸發有很多人沽貨的情況下，走得快就是上策！

今早，我在９：０５分鐘左右已掛牌全數沽出，即使當時競價盤做緊２蚊，我都是叫＄１。９５，務求在競價時段一開波就沽出！

我自己的分析，是好清楚這次所謂盈警，其實都是有點［假］，這是根據一個好理性的思考及分析，但我也知道，一定會有很多人會在今天沽貨，會引致股價大幅波動，這些情況是好在乎你是否能作出最果斷的決定！所謂［兵貴神速］，［快］就是代表一切！

在這些情況，猶猶豫豫只會是擔誤軍情！

這次的操作，同上次華電福新（８１６）的操作都是一樣，即使是［假盈警］，抑或是大戶設的圈套想攞大家的貨，都不是決定因素，最決定的因素，就是估將會發生什麼！

所以今次如無意外，我應該今早最頭幾個沽貨的其中一個！

事實上，今次的所謂［盈警］，是有很多值得思考的地方，我把昨天生果報的即時新聞剪下，原因是這篇報導是當時手頭上最全面，已算是最詳細的交待！

首先，看看右上角，有一個數字是９３２，即是代表這個即時新聞有幾多人看過，差不多成千啊！這條即時新聞，都是讀者見到個ＨＥＡＤＩＮＧ，然後ｃｌｉｃｋ入去看的數字，而我自己都ｃｌｉｃｋ左兩次定三次，因為要細心閱讀每個文字！

在這個情況下，當時的時間只是９：００鐘，可想而知，在過多幾個鐘頭就將會有幾多人看到這個消息？

要清楚的是，如果你是唔關注這隻股，你會ｃｌｉｃｋ入去看嗎？

好明顯，我已預期到今天會有不少人會沽貨，有的會睇定先，有啲直情唔知發生咩事，有啲可能明早瞓到皇朝百晏，所以無論明天低開什麼價位，都一定會持續下跌！

在說回這個［盈警］，首先第一個令人著目的數字是２５％－３５％，這個數字是一個範圍，假設你係這間公司的會計，要公佈這個消息，你都會給予一個ＲＡＮＧＥ，即是而家都未計到這條數，只是大概樂觀些跌兩成半，悲觀些跌三成半，好大可能是中間數，即是要跌三成！

第二個問題，大家投資國電科環（１２９６）這隻股票，買的原因是什麼？

是不是看好風電產品的製造呢？

好明顯唔係，如果係點解你唔去買高速傳動（６５８）或者中國風電（１８２）呢？


你投資的原因，就是你見到中國的空氣污染嚴重，而國電科環（１２９６）有一個市場上是獨一無二的業務：脫硫服務。


在這份［盈警］之中，在最後一段道出：另一方面，受益於嚴格的排放規定之有利政策，環保解決方案部份獲得大幅增長，部份抵消了上述利潤的下降！


所以在這份［盈警］之中，亦包含了［盈喜］，只是［盈警］條數大些，最後埋單都要［盈警］！


公司解釋盈利下跌的原因，第一個是風電產品需求下降！我想，這是盈利下跌的主因，因為消息是把這個因素放在最前！


問題是而家需求下跌了，股價亦因而要發盈警下跌而引發股票被拋售，即是說今天的股價下跌，已是反映，甚至是過份反映了這個因素，在百份比上今天跌足盈利的下跌幅度，這是以百份比來衡量，如果將其用銀碼上來看，每股賺少了４個仙（即是上年每股盈利１毛４仙２，跌了３成），每股股價跌了６毛半！其次，在這個壊情況下，會否再有更壞的情況？


風電產品的需求是看國策的，我相信平民百姓係唔會買這些風電產品，買家是國家或國家機構。大方向，大趨勢是鼓勵環保，使用再新能源，這個基本因素是沒有改變，問題是國家或國家機構的訂單，並不是好ＣＯＮＳＴＡＮＴ咁去，同做裝修一樣，有時會多些，有時會少些，唔同做茶餐廳的生意，日日都差不多，就算是茶餐廳，都有旺市同淡市之分，例如食早餐，食晏，食下午茶，食晚飯會多啲人，也都不是個個鐘都係咁多人！


這同基本因素有何關係？這跟本是行業上的特式！


次者，集團加大營銷活動，也可說是一個投資吧。好像做裝修一樣，好耐好耐以前，我公司都會賣下廣告，但是不是代表賣了廣告，又會即時有客打電話過來？人地屋企係未需要裝修住，咪唔打電話畀你囉，但唔係代表以後都唔打電話畀你啊，按我的經驗，好多客都拿住我地公司份廣告成年之後先打電話上來啊！


三者，燃油價格上升引致運輸成本上升，這的而且確是一個因素，但大家有冇想過，運輸成本佔總體成本百份之幾？而燃油又真的上升百份之幾？


這些上升，會真的影響利潤大跌３成嗎？


所以這份報告，所有從Ｐ＆ＬＡ／Ｃ見到減少的數字，都一次ＳＨＯＷ了出來，而最後一項是涉及非經常性收入方面，話到明非經常性，冇理由年年都有咁多撥回啊，如是就不是叫非經常性，而是改為［經常性］啦！


太陽能業務方面，資產折舊增加，係唔影響公司的現金流，可以說是數字遊戲，當然，折舊是反映了該項資產賺取盈利下在價值方面的損耗，而相關貸款利息由資本化轉為費用開支令該業務受壓！


按我讀過下幾年會計的知識，貸款利息通常都是當係費用支出，即是 Revenue Expenditure, 而佢之前就當左係 Capital Expenditure, 於是上年度應該打入去支出條數唔打入去，就砌左入去件資產的價值上，於是引致資產的價值上升，如果折舊率維持不變，折舊當然上升啦，而今年才［撥亂反正］，把利息當回 Revenue Expenditure 是好合理的，只是上個財政年度，唔知邊個師爺唸埋啲屎忽數，可能想上年度條數好睇啲，如資產值上升了，折舊有少了，而利息又少了，今年見脫硫的業務成熟些，於是行番正啲矣！


所以綜合以上公司的解釋，如果大家用心分析，你覺得公司營業狀況轉壞嗎？


其實，昨天，我已反反覆覆看了幾篇睇下佢寫乜，都知道這是［假盈警］，實是［真盈喜］，很多都是［數字遊戲］，讀過下會計的朋友，都知道會計，其實都是將啲數字搬上搬落，砌番條數出來的，如果你仲唔知我講乜，可能你唔係讀會計出身的，雖然我而家只是裝修佬一名，但曾幾何時都是教過下夜校啊，仲要教足５年。


但是，即使我知道這個所謂［盈警］係有問題，但我也知道很多投資者係唔識去分析啊，他們只是見到跌２５－３５％幾個字，其他的幾個字好大可能睇下就算，又或者睇左都唔知乜，就走去沽貨了，亦有好多人好似我一樣，也明知［盈警］係有問題，但基於預期會有好多人走去沽貨，所以沽埋一份，踩多佢一腳！


盈利跌了４個仙，股價平番６毛半畀你，你話抵唔抵？這些生意，我就唔怕同你做啊！


所以今天我已買番即時沽出那些，並仲加多一注，可是在入市方面，仲有些唔老練的地方，心急左！


今天的一次撈底的是在＄１。９的位置，當時是由ＰＢ＞１變成ＰＢ＜１，即是資產值由溢價變成折讓的位置！可是，今次好明顯我是犯了錯誤，因為眼見反彈即是反應是追，冇錯，買完之後即時彈番上＄１。９６左右的位置，這是源於上次隻８１６係咁樣操作，而影響了我今次的操作，如果細心些，這些情況通常是有第二波，第三波的下跌！第一波的下跌即時撈貨，肯定是出錯，值得反醒！


第二次撈底是＄１。７的位置，這個入貨是第二波下跌之後，橫行的位置，理論上是冇錯，因為股價已下跌至這個位置，已跌至充分反映盈警的數字，再跌是大戶第三波攻勢！


今次下跌是分３個波下跌，第一波是一開波插至＄１。９，彈番上＄１。９５，之後又來第二波，直隊到＄１。７左右開始爭持，第三波是食完飯下午再殺一段，隊到＄１。５Ｘ先至鳴金收兵！


跌完未？


我相信是跌完！


第一，要出貨的，最想出貨的，今天應該是要出的！


第二，就是看尾市。很多時尾市啲成交好大，今次亦唔例外，到了今天３點幾，股價在＄１。６左右，我當時想，會唔會臨尾１０分鍾來個第４波先至完場？


結果是冇，成交當然很多，股價仲企得到＄１。６！如果今天大戶仲有好多貨要沽，我相信今天最後十分鐘，又來個瘋狂出擊，再殺你十格八格先至收手！


第三，股價跌了近３成，已充份甚至過份反映，淡友已深入好友陣地太多，已深入［險地］，今天很多人沽，是得很多人害怕，唔清楚，唔了解，而且是有［氣勢］，但這些都會因時間會改變，所以再沽下去，都不是上策！


除了處理完國電科環（１２９６）單ＣＡＳＥ，今天再買了龍源電力（９１６），其實昨天已是想買，可是戶口冇子彈而且用盡左孖展，今早一早入錢入戶口，上足子彈行動，雞蹄價＄８買入，點知成唔到，竟然有一注＄７。９３成左，真係耀才落盤，咁一粒掣，快如閃電，交易完成，第二個價是＄８。０１，激死我了，等來等去都等唔到，冇人質落來，越排越高，迫住＄８。０７入左３份之２，點知隻股［雀雀聲］，唔駛一分鐘，幾個箭步已衝上＄８。２，於是再在＄８。２１再入埋那３份之１，之後最高去到＄８。２４，之後大市突然向下，股價又跌番落近＄８又跌唔落，你話係唔係畀佢玩死？


點解買龍源（９１６）？


睇下幅圖就知啦，我已留意了這隻股一排，近排已是蘊釀破關，由於＄８。３２是全年高位，如果看一年圖己知這個阻力是十分之大，今個月已衝了幾次，而這個位，看看３年圖，是幾年前的高位延伸出來的阻力線，所以阻力是十分大。


明知阻力十分大亦多次試圖闖關，當然是有原因，最大的原因是將會有好消息出台：
可再生能源电价附加有望翻番 最快7月前后出台

因此，空穴來風，未必無因，這隻股近日係好強的！

如果好消息到，再加上破位，而這個位不是一個普通的阻力位，而是破大位，那麼破位之後，就會［海闊天空］，很快［雀雀聲］上９個幾，所以值博率係好高！

YOKI WONG