沽出帝盛酒店（２２６６），中油燃氣（６０３）再加注

昨晚，帝盛酒店（２２６６）公佈了全年業績：

我覺得有點失望，沒有在原先買入的主要原因，預期末期息派高息，而盈利增長只有百份之７，所以今早一開波，以＄２排出，博［好息之徒］落疊，但一開市已唔多對路，一開波差唔多都是Ｂ盤，所以我即時改盤直接沽出，作價＄１。９４。

沽了之後，就買入昨天談及過的中油燃氣（６０３），此股一開波，又係沽盤隊晒出來嚇人，買盤相對之下是小，但股價是十分硬淨，在美國高收，港股反而低開的情況下，已見有動靜，於是就將沽出帝盛酒店（２２６６）的錢［轉移］到中油燃氣（６０３）身上，作價＄１。６２！

不要看輕這隻細細粒的中油燃氣（６０３），其實此股是現時燃氣版塊中最強的一隻，以上的圖表，是以此股與中國燃氣（３８４）作一個比較！

以中國燃氣（３８４）比較的原因是中國燃氣（３８４）除了中油燃氣（６０３）之外，是今年表現最好的一隻，所以即使近日中國燃氣（３８４）有些腳仔軟，亦不要看輕此股，就是因為本身有相當的質素，才可以在最近一年比其他燃氣股升得更多！

好像以跑馬來比喻，近年贏馬加分多，要回一回氣，等進度追番近啲評分。

我投資燃氣股是抱長線儲蓄態度，當供退休金一樣，儲到少少就買一點，於是有點像平均買入法買入，所以即使市況有點波動，也對我沒有太大的壓力，這些燃氣股，即使在市況好差的時候，我想最好只有跌一成左右，已經有很多人走出來撈！這些貨係跌唔到去邊的！

當然，由於好野大把人知，所以股價肯定唔係平，所以股價唔會係一隻［倍升股］，現時買入的價位，應是按企業的自然增長來行，所以預期每年保守計，在市況ｋｅｅｐ　ｃｏｎｓｔａｎｔ　的情況下，未來幾年，平均每年複合增長２０％左右！

如無意外，我好大機會會持有幾年。或者會在炒經濟真的復甦時，買入航運股之類，才沽出一些換馬！

而近幾日好似有些資金走左去炒航運股，真的偷步偷到離晒大普，如果想這些航運股真正復甦，況且都要等番一兩年，而家趁佢低殘，股價賤的時候，而自己又有閒錢時，不況買一些做底飛！

說下隻當炒股中集安瑞科（３８９９），炒到無晒貨，幸好昨天一開波買番少少，加多一注！先前已震左兩鑊，震了不少人落車，再次用事實證明，想要賺錢，係要好睇你自己的定力，信心及忍耐力。好多好股，都是無ｌａ　ｌａ跌你一輪，然後才抽番上去，好似玩大富翁一樣，先畀人用［黑卡］做低佢，買番貨就用［紅卡］推番上去。

此股呈強的最大原因是乾晒水，有傳媒吹下水，再加上有大行出下報告仔，在供應少，需求多的簡單原則下，自然易炒上，此股長期ＤＥＭＡＮＤ　＞　ＳＵＰＰＬＹ，所以預期會繼續向＄１５目標進發。

YOKI WONG