2013年8月2日 星期五

潛水艇發盈喜!!

在我的投資組合中,有一隻佔比重最低,而至今又[潛]得最深的股票,今天收市後竟然發盈喜:




這隻[深海能源],在5月上旬見佢在高位有異動,博佢破位,點知由買那一天開始,就座了[鮫龍號]去左探測[深海能源]!


所以唔係次次都可以博到,這次就是一個失手的例子,中了伏兵!


但這又不用怕,只要贏的次數多過輸的次數,就值得繼續用這個方式去博,最近博贏的是257,868,371,579,916等,博輸的是750,所以命中有8成幾,輸番一隻都已有好高值博率!


這隻股,基本因素是不錯的,市盈率現時只有6倍幾,而我買的時候,市盈率也只是8倍左右,從股值論,以這間公司的質素,未至於可以在市場上叫到20倍PE的價錢,在理解可以在華南地區成為在銷售和分銷液化石油氣、銷售成品油及銷售電子產品等有一定程度的壟斷,合理的股值應該是在十五倍PE左右,不至於低到而家只有6倍!


以$5。42入了貨之後,破不到位,點知跌過唔停,跌至最新價$4。18,有壞消息嗎?


對唔住,係沒有!

總之,就是日日插!


在7月11日,有個叫富達的基金增持,平均買入價$4。27,但佢買左之後,同樣都要乘坐[鮫龍號]去探測[深海能源]!


有很多網友都會想問下自己持有的某隻股票,為什麼跌過不停,是否應繼續持有之類。。。。等問題!


在這隻[深海能源]的例子,可否給你一個[啟示]呢?


你想問點解會跌?


資料,是冇!

總之就是一日跌少少,以[深海能源]的例子,可以跌足3個月!

大戶是很有錢的,股價跌,SO WHAT,他們一買番,股價自然會上番去,所以股價高低是不在乎,因為他們是控制緊高低,這就是市場上的PRICE SEARCHER,而作為散字派的你,在市場上只是其中一個PRICE TAKER!

你玩股票,抑或股票玩你,係最看你有冇錢守的問題,如果你好等錢用,那麼跌足3個月又跌咁多,我想好多人都頂唔順了,最後,就成為大戶的點心了!

通常這樣的跌,是有兩個可能性!


以前都說過了:


第一,就係間公司跟本係唔掂,有內幕人仕比大家早知消息,在市場不斷沽貨走人


第二,就係有莊家大戶做緊野,最終的目的就是要你沽貨離場,以達到他們收貨的目的!


所以,在沒有資料下,兩個可能性都是有,最終大家都是靠估!


如果是第一個結果,公司最後都會發盈警,在這時候的操作就是要即時沽出,因為已找到跌的原因了,雖然比[內幕人仕]遲了很多,這個先天不足,無話可說了,鬼叫你冇內幕料咩!唯一的動作就是在市場上作出反應的最快一批!


如果第二個結果,都是要等派成績表後先至知,但通常那個時候,那些莊家大戶已收貨收得7788,再用其餘下的資金炒佢上去,再派番出來賺差價。


可是,[深海能源]突然之間發盈喜,會否影響到大戶莊家的部署?


今天仲壓得好緊啊!


當大家仲估下係唔係盤數唔掂之時,大家或仲有些顧忌,但而家突然爆左個盈喜出來,現時股值PE6倍幾,發得盈喜的,最少賺多3成,那麼預期PE咪低得好可憐?


大戶要壓今次看似都唔係咁易啊,啲人唔知底牌時或有所顧忌!

等你越壓越開心,越插越興奮!

一陣畀人夾番上去,可能要調轉槍頭追番啲貨補倉了!


Yoki Wong









7 則留言:

匿名 提到...

Yoki sir:明白了!很明確的分享和分析。業字

YOKIWONG 提到...

覆業:

都算你幾醒水!!

YOKI WONG

Unknown 提到...

YoKi Sir , 要不要星期一用雞啼價再加注?

Unknown 提到...

YoKi Sir,另外3899跌穿了恆指19500時的恐慌價$9.5,我覺得有點勢危、雖然我的買入價也很便宜,但我也決定先食一半來減低風險,寧可待它再衝穿$9.5再補回,你覺得這種行軍模式有否錯誤?願聞其詳?

YOKIWONG 提到...

覆Andrew:

342 你覺得啲友仔仲壓唔壓到呢?先前大家唔知係唔係條數唔掂唔夠膽入所以被他們插得咁過癮啊!最緊要係睇有冇水的問題!

3899 我正是想再加注!

YOKI WONG

Ricky Lam 提到...

yoki sir,750如落到7蚊邊,你會唔會再加注?

匿名 提到...

Yoki Sir:
等紧你振臂一呼,吹鸡定下明晚之约,煮酒论英雄!

Ken