2013年3月26日 星期二

六月才再入市

最近工作仍然是很忙,除了星期六及日都要開工外,連晚上都要撈埋。

很多人以為晚上是做不到的,其實只要肯做,都是有工作做的,例如,髹油,裝假天花,執下[架餐],整理下個場企企理理,裝下潔具,駁下水喉等,基本上都是可以在晚上進行。只要大廈的食蕉畀你入去,是唔會有人投訴的,因為是不會發出嘈音。

4月3日會去台灣玩4日,其實這個機會是很難得,因為做住家工程的,是十分之困身,跟本上是唔行得開,除非有兩個可能:

一是冇野DO,焗你去旅行
二是啲客可以畀你慢慢做

第一點,在這十八年的工作中,最差的一次是有一個多月,唔係好夠工開,真係唔知點解?而其餘的都是夠野做,有3份1時間是好忙。而第二點跟本是冇可能發生,因為好少情況是只有一單工程進行緊,冇理由手頭上的客人可以畀你失蹤唔跟他們的工程。

就是這個緣故,這十幾年的生活中,去來去去都是番大陸幾天貨仔,真係好失禮,去最遠的都是在十幾歲那年去過馬來西亞及新加坡,真失敗到人生就來過左一半,連日本都未去過!所以畀啲FAN說我像他屋企窗邊行緊的螞蟻!

今次去下台灣幾日,花費是很少的,只是三千幾蚊,但聽講如果唔係假期,二千幾蚊都可以了。現時我都好頭痕,要完晒快完成近尾聲的工程,亦要安排人手材料去推進進行中的工程。所以最近忙過不停,並非去馬爾代夫[潛水]。

最近冇乜時間研究個別股票,而亦未有好積極的入市意欲,因為炒完業績都冇乜題材炒上去,現時香港的股值已是可以入市水平,但是唔似會好快再展升浪,所以我唔心急咁快加注。目標都是[燃氣股],其次為[環保股],可是最近似乎都算是強勢,亦多人提及,所以暫時等等,睇下有冇機會撈番一啲,冇都唔緊要,因為已有貨,所以升同跌,都沒有太大關係,只是策略上不同矣。現時最實際都是工作賺錢,為入市前作一個準備。

最近好似大摩頭吹水,說恆指可升至幾萬點,最低可見好似是萬五點,真是乜都未佢講晒。所以佢好像馬經一樣,一場馬十四隻,隻隻都有人貼唔際,所以賽後版實見到佢啲威水貼士!而我認為如果冇乜特別野發生,例如打仗,乜乜金融機構爆煲。。。。等,恆指最低都是二萬一左右,最高亦只是廿萬四千幾左右。


YOKI WONG 

12 則留言:

匿名 提到...

我快輸死了, 重注了1083 平均7.68
現在7.3X....駛唔駛止蝕?

YOKIWONG 提到...

覆匿名:

看你用平均這個字,即是說了你有些價位仲高過$7.68.在我而言,我買入的價位比你低好多,而且亦不是重注,而我亦冇一隻股票是重注,平均每隻股票都是佔5%左右,所以我自然坐得好安心.

如果你是看長線或者是中線,跟本是不用擔心,因為這些股票會越坐越貴,不是越坐越低,除非大陸的政策不是支持天然氣產業.

平均$7.68,跌至而家$7.3,是很少的跌幅吧,你已那麼緊張,那麼你應考慮下自己是否應該投資股票.

1083在股票中算是波幅較細的一隻,不算是大上大落之類,跌幾個%已是這樣,你應該考慮轉下啲中電港燈之類的股票好過.

股票投資是無一定[賺硬],所以亦要有可能要輸的準備,如果是蝕唔起,不要掂了.

YOKI WONG

John 提到...

Hi Yoki Sir, 你對777的業績有無意見?
thx

匿名 提到...

Yoki Sir, 如何看頁岩氣股?

匿名 提到...

777 如果蝕唔起不要掂!

頁岩氣股 如果蝕唔起不要掂!

YOKIWONG 提到...

覆 John:

777的盈利倒退早已在之前的所謂[盈警]說出,原因是要分拆無線業務上市,因而做成持有91無線的優先股的價值減少所致.

表面上是盈利倒退,但從現兜兜的收入來看,是盈利大躍進,而且派息還要比盈利多,所以是一隻假盈利倒退股.

YOKI WONG

YOKIWONG 提到...

覆匿名:

頁岩氣是新概念,通常處於概念階段的都可以有無限想象,所以頁岩氣是一個很好的[炒作]題材!

可是,當概念變成實際時,炒高後的頁岩氣股慢慢就知被炒過龍,所以當仍然是概念的階段,不妨可以炒,可是,當還回現實層面時,小心炒濃!

YOKI WONG

John 提到...

thx yoki sir ;)
BTW,真的不知優先股的價如何計出來...

barrymoreau 提到...

YOKI SIR,

我支持你, 投資要由自己決定!
1083 係好股!!

777 盈利好勁! 不過近年盈利不斷被攤薄, (由近年每股資產淨值可見一斑) 敬請小心!

匿名 提到...

隻1766穿晒底啦

匿名 提到...

問都多餘、華之你

未圓湖 提到...

同 barrymoreau一樣,
我都係對Yoki Sir非常的支持.
從YOKISIR身上學到好多野。