2016年2月9日 星期二

Everything has a price!


15分鐘可以做到乜?其實乜都做唔到!新的熔斷機制就好似你女朋友生氣了,唔睬你了,咁俾15分鐘你想辦法氹返佢,令佢由唔開心變番開心!可以嗎?結果好顯然是,佢嬲咗你成日。

如果你屋企的保險絲1日斷兩次,有常識的人都知道應該換根粗點的;如果保險絲4日斷2次,咁有常識的人都知道應該是電路出問題了。如果電工叫了幾次仲唔露面,有常識的人都知道應該要換電工了。

終於,中證監昨夜緊急宣佈,在權衡利弊後,目前負面影響大於正面效應,因此,為維護市場穩定,證監會決定1月8日起暫停熔斷機制。

天作孽,猶可違;自作孽,不可活。中證監連番搞出個大頭佛,搞到股民怨聲載道,肖大人主席之位會否熔斷呢?

著名國際投資大鱷索羅斯更警告,目前環球市場正面臨危機,投資者必須非常謹慎,「中國面臨重大調整問題,我會說這無異於一場危機。我看到金融市場遇到了嚴峻的挑戰,讓我想起了2008年危機時的情形。」

阿大鱷你好。。。嘢!如果閣下你早2個月同我哋咁講,我就真心多謝你;但你依家先來講,就真係多得你唔少喇!

筆者曾在去年11月30日專欄指出「人民幣鐵定入SDR,溫和貶值趨勢持續」,過去10幾年我們都習慣了人民幣升值長升長有,依家規則變了,以人民幣計價的H股仲可以點樣玩?自2008年金融海嘯以來,我們都習慣了超低息大環境,現在開始慢慢加息了,金錢遊戲仲可以點樣玩?

市況不明,無謂太搏!唯一可以講的是:Everything has a price!以今年預測市盈率計,H股估值已跌低過7倍,離底應該不遠了,就忍忍吧!



周公
2016年1月8日@大方向


沒有留言: