港股今日好淡爭持，恆指在22800點左右反復，走勢上似在整固，調整後向上的機會還是很樂觀。畢竟一口氣上衝兩千多點，吊頸都要抖下氣！調整一下走勢上更健康，反正衝得太快不敢買，回調就是加碼好機會。
不管怎樣中國股市大災難已經過去，習大大昨天再強調中國經濟發展已經步入新常態，雖然的確面臨一定程度的下行壓力，但有能力保持大約7%的增幅，並不會出現「硬著陸」。中國可以出的招數還有很多，利率至少有100點下調空間，還有全面降准、定向降准、MLF、SLO、逆回購，信貸資產質押再貸款，再來大印銀紙...想要什麼有什麼。
你睇新股市場幾熱鬧就知真係冇有怕！每逢有大型新股上市的日子，都是周公大舉出擊之時。因為基金大戶、投行、保薦人等等都要搵食，他們都是最熟悉市場走勢的內幕人士，所以通常都會搵好景的時候齊齊出手搵銀，市況不好的話真係搵鬼買！不過「花開堪折直須折，莫待無花空折枝」。最緊要記得到時落車！
周公雖然喜歡和愛股談戀愛，但一定不是新股，對新股最多只能是「一夜情」！點解？因為大部份的新股IPO之時，一定是執到靚靚先來見人，好多時還透支咗未來幾年的精力，所以抽新股一定是即日開市馬上沽。
對於點樣選擇新股，周公從來只睇一樣就是要，國際配售反應熱烈、大幅超額！咁就一定掂。最好是公開發售部分亦超額逾100倍，那麼根據發售機制會從國際配售回撥部分給公眾，令國際配售可供分配股份進一步被壓縮，大戶們更加唔夠貨只好在上市日在市場買回，有利新股股價表現。越多銀行提供孖展、孖展利息越低，代表風險越低！
比較過近期兩大集資新股中國再保險集團（０１５０８）和中國華融資產管理（０２７９９），中再保應該好過華融，即管看看到時上市首日表現如何？
周公
２０１５年１０月２３日＠大方向
沒有留言:
張貼留言