等，
寂寞到夜深，
夜已漸荒涼，夜已漸昏暗，
莫道你在選擇人，人亦能選擇你......
等，唔知等緊乜？對，應該係等緊收爐！每年年終差不多的時候，股市都會進入所謂的垃圾時間，沒有炒作，沒有爆料，沒有高潮，只有細微的波幅，只有連續的縮量。就好似巴塞贏緊6:0，而比賽仲剩低6分鐘，大家將個波搓來搓去，就係等吹雞完場。
聰明的投資者早就收咗爐，就好似「大趨勢」欄主YOKI兄咁，就清曬倉返大陸嘆世界，想睇佢再係股場談股論勢，睇怕要等出年了！可憐筆者仍守著電腦和手機，在工閒之余，還苦苦瞪著價格的輕微跳躍，只為找點寫稿的靈感。
渣打(02888)終於買夠5000股，那就擺埋一邊吧；上週主力新買入中國燃氣(00384)，現價的中國燃氣真係好抵買，至少比起今年大股東北京控股(00392)$13.84的加碼增持價，和公司最高的回購價$12.56，平咗一大截吧。
不過，筆者更鍾情於美股市場，近期主力是博中概股私有化回歸A股盛宴！繼奇虎360(QIHU)和陌陌(MOMO)之後，筆者昨晚再買入世紀互聯(VNET)，比起US$23的私有化要約價，現價有約14%的回報！
等，雖然悶，又寂寞......
不過悶住來贏，又何妨？！
周公
２０１５年１２月８日＠大方向
沒有留言:
張貼留言