股市賺錢容易嗎？當然不容易，否則的話周公就唔使係度鳩吹，大家亦唔使日日上來睇我鳩吹(多謝先，記得多啲嚟捧場^^)。股市從來都是散戶的冒險樂園，所謂「一仗功成萬骨枯」，一贏二平七輸似乎注定是老散們的宿命，總之一入股場深似海，要想全身而退已很難，更莫講可贏錢發達！當然「大方向」神人Yoki兄例外，不過試問又有幾人？
點解我們會輸錢？因為我們是人，不是神；正因為我們是人，所以我們有人性。例如去食自助餐遇到火燭，第一件事當然是走鬼，又點會食埋甜品先走？當股災來臨時，沽貨走鬼是人之常情，試問「別人恐懼我貪婪」能有幾人？又例如5月時股市大旺，個個眉飛色舞、周街股神時，試問「別人貪婪我恐懼」又有幾人？所以，如果今年到目前一刻，你仲輸緊錢，恭喜你，因為你仲有人性！
或者又有人說「要想贏錢，只買比較低的PE、高的派息，比較好的成長，比較靠譜的現金流的股份咪掂囖。」例如分紅收益率高的工商銀行(01398)，年年高增長的騰訊(00700)，股東回報率的恆生銀行(00011)。無錯，聽落好似頗有道理，如果按照這個邏輯買股票，犯錯、輸錢的機會可能會少啲，但買入點不對的話，也未必一定賺到錢，或者賺到錢的百份比也不高。
投資無對錯，勝敗論英雄。有人喜歡價值投資，亦有人鐘意斬妖除魔的交易樂趣，蘿蔔青菜，各有所愛，不同的人有不同的風險嗜好。但無論如何，目標應該都只有一個：就是贏錢！對吧？！
點樣才能在股市中贏錢！？欲練神功，必須自宮。明日周公教你「菊花寶典」，保你百戰百勝，贏硬冇得輸！記得上來聽我鳩吹！
周公
２０１５年１１月４日＠大方向
沒有留言:
張貼留言