欲練神功，必先自宮！

欲練神功，必先自宮。唔係叫你閹咗自己，而係要滅絕人性，突破自我，拋開人性的貪婪和恐懼。別人恐懼時，不要怕，應該開心，因為機會來了；別人興高彩烈去到盡時，要懂得見好就收，知所進退！

嘩！講就容易，點先做到啊大哥？好，大道至簡，只用一招「RSI」！真係咁簡單？

相對強弱指數 (RSI)，藉比較價格升降運動以表達價格強度的技術分析工具。以14天RSI為例，當某隻股票的RSI升至70時，代表該證券已被超買 (別人貪婪)，我們要做的就是要賣出該股票 (我恐懼)；相反，當某隻股票的RSI跌至30時，代表該證券已被超賣 (別人恐懼)，我們要做的就是要買入該股票 (我貪婪)！就係咁簡單。用數字把我們複雜的心理 量化！

但前題是有兩個條件：1. 要有閒錢 (一年內不需動用)；2. 買的股份沒有停牌 (遇到老千唯有等上帝打救)。如果你不懂買邊隻股票，那買盈富基金(02800.HK)吧，肯定不會停牌執笠！

一年流流長，總會遇到大市或心儀股份低迷的日子，當RSI(14)跌至30時，不要怕大膽買入，之後要做的就是等待和忍耐；每一次的危機都看似好嚴重，都仿似世界末日，不過最後都總是安然無恙！正如颱風過後，太陽還是會高高昇起。可能會有例外，不過那真的是世界末日了！好運的話，快則幾日，遲則幾個月，就有收穫！如果不太貪心的話，亦可選擇15%-20%就食胡，唔使等到RSI(14)升至70時先食到盡。

好多時周公會配合埋保力加通道(BOL)操作，就以近日華潤燃氣(01193.HK)的實戰做個示範！10月26日華潤燃氣股價位於保力加通道頂部，RSI(14)接近70，果斷減持($23.25)，就算之後再升也是別人的風險錢；之後就是等待和忍耐，到了昨日，股價已回到保力加通道底部，RSI(14)近40左右買入($20.5)！唔係話等RSI(14)落30先買嚒？因為宜家市底好，可能去唔到呢？不等了先入一注，後邊周公仲有幾注排緊隊呢！周公所有呢啲操作一早Set定，全部到價自動執行，真係瞓住贏錢。

又係個句「周公唔會呃你十年八年」，即管睇下今次呢注幾時有胡食！



周公

２０１５年１１月５日＠大方向