港股繼續沈淪，連跌4天之後，20天平均線（約22693點）亦告失守。後市缺乏方向，雖然不虞急跌，但亦缺乏上升的動力。尤其內銀及中資金融大股公佈季度業績後，更加重周公的戒心。
四大國有銀行好似夾埋咁，齊齊公佈低於1%的季度增長！工行忽然撥備蓋幅率貼近警界線、農行不良貸款比率就爆上2%，昨日再傳出行長被查！國壽為國接盤、壯烈巨虧。再有接二連三的國企老總被查、私募基金一哥被捕，秋後算賬還在進行中。本地零售、樓市成交一潭死水，地產股注定冇運行；資源股更加乏善足陳，一切一切，試問大市何來上升的動力？
不要以為你乜都唔做就唔關你事，就算你唔投資、唔買股票，你一樣蝕緊錢！令大家一殼眼淚的第三季，全港打工仔強積金戶口就已经「大縮水」，人均帳戶蝕二萬五；外匯基金更大虧638億，以約七百萬人來計，人均虧損又唔見成皮野，你都咪話唔傷！
是時候要跳出去、豁出去。美國10月Markit製造業PMI初值意外創五個月高，由9月53.1續升至54，市場原先預期降至52.8；另一方面中國財新中國9月製造業PMI跌至47.2，創6年半新低。高下立見，美股強得很有道理。策略上周公繼續轉戰美股，上週四加註的京東(JD.NASD)今日賬面已升近7%，同港股比真有「冰火兩重天」的感覺；在未有重大利好扭轉目前困局之前，港股還是按兵不動、少做少錯，出擊的話也要盡量避開上文所述的所謂「價值投資」陷阱股！
周公
２０１５年１１月３日＠大方向
沒有留言:
張貼留言