做投資，最高的境界是無我，也就是完全客觀，絲毫唔受個人主觀的判斷和情緒影響。如果真係能做到手中有股而心中無股那種境界，咁你就真的必勝無疑了。但，我們既非聖人亦非股神，七情六慾皆影響著我們的情緒和判斷，所以「別人貪婪時我更貪，別人恐懼時我更驚」是人之常情，反映在行為上就是高買低賣，那豈會唔輸錢。
昨天A股午後大盤在國企改革概念股推動下直線拉升，滬指收漲2.51%，深成指亦漲2.2%。券商股更是大面積漲停或逼近漲停。反觀港股真的是乏善足陳，恆生指數仲要跌154.2點，連跌八個交易日，真係冇嘢好講。
曾經以為長揸必勝，仲要係穩穩陣陣、最安全最可信賴的盈富基金，卻原來5年後的今天仲未返到家鄉；恆生指數昨日收報21,309點，比起5年前仲要低超過1,000點！香港所有打工仔，肯定會有相當一部分強積金供款給恆指，就是說呢5年來我們的收益好極有限，唔輸都已經偷笑。
如無意外，今年香港好大機會成為全球最大的IPO市場，大概估算將有120家企業首發上市，融資2,600億港幣。但那又如何，今年的新股上市後十有八九仲潛緊水，抽新股的話應該都係九死一生、瓜多過菜吧。
講咁多，其實筆者最後想講嘅係，世界很大，與其坐困愁城，不如出去看看！
周公
２０１５年１２月１５日＠大方向
沒有留言:
張貼留言