2013年9月25日 星期三

雲遊未上市;網龍先興奮

聽聞呃你爸爸好大機會唔係香港上市,如果是,冇乜所謂吧,因為要犧牲我們香港的核心價值[法治]來就佢大哥,今後香港仲點可以以法治人?

雖然,這無疑對港交所是少了一單大生意,好似輸了,但另一方面,卻贏得美譽,我是支持港交所企硬!

呃你爸爸若果真係上市,其實全心都是抽水,你估真係 Put the money on the table ? 

馬賊條友,就是想賣左間公司,之後仲要控制番間公司,所以如果[如佢所願],小股東則[你情我願],投資者其實未必真係咁有SO,基本上,就算佢真係上到市,肯定唔會賣平畀你,攞價肯定去到好盡,加上馬賊個底唔好,上次高價上市,之後向下炒,跟住私有化,今次最荀的又唔放入公司,馬賊冇死錯人,所以大家無謂失望,上又好,唔上又好,平常心看吧!

呃你爸爸其實唔係好多條路行,你估去美國上好嗎?因住有日畀人攪集體訴訟啊,基本上,在香港上市是對馬賊最有利,今次馬賊可能又是玩心理,看看港交所讓唔讓,如果我係港交所揸旗,我會企梗,因為這是我們的核心價值!

在呃你爸爸可能唔係香港上市的前題下,今年的焦點將會落在白鳳丸雲遊(484)身上!

首先,先看[大趨勢]!

時下很多人兄已有智能手機,強國雖然未必有香港咁普及,但越來越普及,將會是大趨勢。上車冇野DO,隨左WHATSAPP之外,仲可以打下機!

因此,業務為[手遊]的雲遊,天時得利!

最近,科網股好當炒,而雲遊上市索價不高,預計明年市盈率9。5倍至12倍,相對香港現時上市眾網股,或近似的股份,已明顯好抵,所以市場已預期升一倍都唔係好出奇,所以反應好熱烈,基本上敢說,抽中就賺梗!

證券商亦冇死錯人,很多券商都有9成半孖展,所以槓桿超過20倍,在集資規模十幾億,真係白鳳丸,細細粒容易食,先唔講間公司實際掂唔掂先,Too much money chasing too less goods 已足以令隻股上升!

加上[手遊],在香港上市的股票中,暫時是冇一隻打出[替天行道]式的打正旗號,所以此股有一定的行業獨特性!就是因為有行業獨特性,就會有基金買這隻股份,去演譯[手游]這個故事!

可是,在僧多粥少的情況下,大家都可能中得好少,於是在市場買番多啲湊多數,股價又炒高了。

先幾日,有隻叫光宇(1043),由原本攪整電池,轉行攪手遊,點知股價大幅抽升!

當時,我已好奇怪,點解冇人唸隻網龍(777),於是在[未來富豪聊天室]談及這隻股,當時股價走勢已有點動靜,MACD開始升穿訊號線,而且形同突破橫行區!

昨天,早已上行動,可是因為資金問題,要沽緊啲貨,但又唔想賤賣,於是掛高左又出唔到,所以昨天冇ACTION!

今天,弊家伙,生果佬何車今早出文章篤爆,於是[兵貴神速],在$18。4掃番啲先!

點解當時我唸過隻網龍(777),唔係抄何車前輩的,理由是這隻網龍(777),雖則賣仔,以天價85億賣左91,但賣仔之後,有一半會分比股東,即時特別股息派番畀股東大概是8蚊左右!所以現時股價18個幾,起碼是有8蚊是現金價值將會派息,有8蚊留係間公司!

網龍市值96億,有85億係賣仔收入,所以其他業務只值11億!

如果假設最後唔知點解賣唔成,股價可能反而仲升,因為市場唔係好LIKE佢賣仔,所以即是賣仔,股價都可以企穩於現水平,因為18個幾股價,隨時有16個幾係現金!

當賣左生金蛋個仔後,網龍(777)大把錢,舊有業務當然是[網遊]!

當然,而家興用手機上網,多過用桌面上網,但是做[網遊]同做[手遊]其實都是差不多吧,等如裝廚櫃的走去裝傢俬,有什麼難度?所以[網龍]變身成為[手龍]亦不出奇!

機會就是係度啦,隻484如果冇睇錯,隨時係今年升得最好的新股,因為股細,想要的人多,合[大趨勢],有[獨特性],近似股份PE高,想像空間大,一日未知龍與鳳,一日仲有得炒,除非露左底,原來係流野,才會玩完!一日未露底牌,一日仲有想像空間,就會有人炒!

484抽唔抽到,遲下先至知,但擺在面前,就有隻表面18個幾,實質個幾的[網遊股]係度,光宇(1043)玩電池走去玩遊戲,一日可以彈兩成!所以買777,可以博佢變身,當484如果雲遊太空之時,隻777咪好賤?

生果報多人睇,股價即時有反應,幾個人兄今早同我爭貨,競價時段本應排8。32,點知個客打電話來,攪到我改唔到盤,令我心急如焚,唯有開市後即掃!

執輸行頭,慘過敗家,呀媽教落,有人排隊就跟住排啦,不過亦有可能佢地等緊巴士,所以唔係見有人排隊,就走去排,都要睇清楚排乜先!

昨天跌市,已見佢梗淨,耐何沽唔到貨轉唔切,買貴左幾一兩毛子,被人揚左,都唔即刻ACTION,肯定做唔到[知行合一]!

圖表上,明顯是突破,其實前兩天我已知佢想突破,所以一早已[目及]住:





轉載下何車前輩講乜先:







明天仲有野吹,睇下佢聽日吹乜先!

YOKI WONG


















沒有留言: