萬九點話穿就穿 底牌未開仲心驚

昨日本欄中說過：唔知邊個帶頭，話中央政府將要推動央企改革及稅改方案。。。受這個消息影響。。。。上證重上３０００點。這個唔知邊個，有人會用［市場］兩個字代替，究竟個股票市場中邊個人講？筆者昨日言下之意，就是說邊幫人走出來放風？目的何在？今天就找到一些答案，當然，邊個？筆者當然不知道了，只是告訴大家，市場上有很多聲音會說很多所謂消息，即所謂放風！大家收到風時，真係要調轉頭唸下，究竟邊個放風出來，這個風的目的何在？

過去，在八路聊天室，都會有啲友仔來放下風，作下故仔搵傻仔入局，基於言論自由原則，筆者都會由他發言，因當時未有真憑實據前，唔可以砌人生豬肉，雖然筆者早已睇穿佢鋪牌，唔信有咁多所謂消息會益啲三五識七的所謂朋友，而嗰啲所謂朋友，好可能有日會講，其實大家都唔係好熟。世界上涉及到錢，唔會咁簡單的。。。簡單來說，世界上冇咁多著數野，著數左，是因為對手有出錯，你偷到佢雞！

只要大家識調轉頭唸下，唔好唸野咁 Straight Forward，好多古惑野係捉到佢路的，世界邊有咁多咁大隻蛤蜊隨街跳架！唸下你對手係邊個先啦！世界上好多野，其實都是一個局引啲傻仔上釣，咁容易畀你搵到錢的，好多時都是陷阱！

正如筆者之前有一篇大趨勢　傻佬自作陰謀論　故事虛構會當真　就講過，無ＬＡ　ＬＡ有個消息走出來講深港通，筆者以［無中生有］來形容，就是用另一個角度，去思考有些人的用意。如果你當初是醒水，今天跌穿１９０００點，跟本都唔關你事，閣下或者同筆者一樣，在隔岸觀火。

筆者又在一篇大趨勢上寫過同大少去飲茶的故事　閃電失守兩萬關　牛牛唔死一身潺　文中描寫一間在失火的酒樓的景象：

大少時常都會同筆者飲下茶。去開嗰間由原本冇乜人慢慢變左好多人。幾個月前，這間酒樓發生了一件事：

筆者也是如往日一樣同大少等在這間酒樓飲茶，這間酒樓是非常之大，有幾層咁多，平時照舊人山人海，筆者在此認識了不少茶友。突然之間，筆者見到個廚師由突然從個廚房走了出來，這是印像中一個之前從未見過的事！過了不久，有一班酒樓員工好似好緊張咁走入廚房，唔知做乜，過左一陣間，跟住又見到他們走了出來，之後連啲部長及主任都走埋入去。他們的舉動，真的怪怪地。我見到個主任同個經理係度咬耳仔，當然聽唔到佢講乜，跟住見到個經理打電話，我同大少即時埋單走人。很快，我們剛埋完單之後，一落到街就聽到好似救火車的聲音慢慢從街的另一邊傳過來。。。

這是講筆者同大少都會參與下股票投資，而這個市場由原本沒有什麼人參與，已變成了很多人參與，即是說，原本以前唔買開股票的，都走來炒股了。。。

這間酒樓是非常之大，有幾層咁多，平時照舊人山人海，筆者在此認識了不少茶友。

即是說出，這個股票市場上很大的，最近已人山人海了，其實好巧合地，每次發生股災，都是人山人海！茶友，自然就是指一起炒股時認識的朋友了。

突然之間，筆者見到個廚師由突然從個廚房走了出來，這是印像中一個之前從未見過的事！

點解講個廚師，唔講第二個？

廚師就是最先知道發生火警的人也。。。

之後的，大家自己唸筆者想講咩。。。

點解筆者同大少一起走人？

並不是說筆者是什麼經濟學家。。。最重要是指出，什麼是市場觸覺！

市場觸覺是投資中最重要一環，正如很多人都唔知中山樓要爆升一樣！

自己唔叻唔緊要，同緊要識跟啲叻人做野！知道邊個係叻人，無論你讀過幾多書，識在找到比自己知識水平低的朋友中去扮下野，自我感覺良好下，唔好意思，你都只係識欺負下啲唔識的，叻過你的人大把，最超級叻的人，你好難搵到，好多都被有錢人羅致了，見到這班人做緊乜，點解佢地咁做，醒水啦！

最醒水係邊個？仲駛問，你係咪香港人來架？

所以八路兵法原來有第十一條：只要信，不要問！

哟，原來咁解！

當時有個茶客說，大家在咁既情況下，當然唔好走入來這間酒樓啦，但也不要走，因恐慌會令人失去理智。。。

我正在為這位茶客祈禱。。。







YOKI WONG