2011年4月18日 星期一

最低工資產生的問題開始發作!

最低工資害慘小僱主


資料來源:新報

最低工資五月一日實施,自由黨舉辦吐苦水大會,多位發言者批評政府推行最低工資過急,條例又不清晰,如不付有薪休息日及飯鐘錢,又被標籤為無良僱 主,令他們大感無奈。有僱主認為政府帶頭為外判員工增加飯鐘錢及休息日薪金,做成壞先例;亦有大廈管理公司東主表示,實施最低工資,會令管理費即時增加4 至5成。   採訪 :靜態組

自由黨舉辦的最低工資苦水會,獲百多名僱主及僱員參加。不少發言僱主均大吐苦水,指最低工資實施在即,但他們仍對條例有很多不清晰之處,直指政府推行最低工資過急。又指如不跟隨政府支如不付有薪休息日及飯鐘錢,又被標籤為無良僱主,令他們大感無奈。

最低工資迫僱主監生吞 

鋁窗裝飾公司負責人張偉泉:「佢係唔係要我哋監生吞?(最低工資)係一個未成熟嘅方案,一聲由6,000蚊升到上9,000蚊,原底10,000蚊個啲冇得加又如何?佢哋會詐我型嗰噃,朋友!

YOKI WONG:即是等於我以麥記都要加,補習社個 Receptionist 都又話要加,跟住補習呀SIR見到個 Receptionist 有得加,於是又要要求加,最後個個都要加!

飲食業聯合總會副會長胡珠:「我知道好多行業,勞資雙方過往一百幾十年都係好和諧合作,經過呢幾個月,同啲員工大家洽商好,家有啲嘢都反口,政府都咁樣做(有薪休息日),你哋真係『無良』,怎樣哄我哋。」


各界商會聯席會議副主席沈運龍稱,如要做良心僱主,就等同迫他們加價,「政府要照顧普羅大眾、低下階層嘅福利民生,就一腳將個波踢畀我哋工商界,好快見到飯盒加5蚊一個,管理費加20-30%,好多中小企係唔係可以突然間承受到百分之30至50增長?」

YOKI WONG:其實香港很多公司,即所謂〔中小企〕,表面上看,從字面上看是〔老闆〕,但實際上是〔自顧人仕〕,而有一些生意是一個人處理不到,才要找一些人合作才可以處理到!於是這個接了生意的 〔自顧人仕〕就被標籤為〔老闆〕/〔顧主〕,而現時香港政府鼓吹的市場自由競爭,而令到很多公司基本是沒有什麼〔利潤〕存在,而所謂的〔利潤〕實質是所謂〔老闆〕/〔顧主〕,實質是〔自顧人仕〕的人工!所以如果一起合作的人,即所謂〔顧員〕受到最低工資的保障,那麼路只有兩個:

第一,加價,將成本轉嫁到消費者身上;
第二,加唔到價,所謂的伙記卻又在最低工資保障之下按理加人工, 即是叫所謂〔顧主〕的人唔好收人工!如果做一項生意,〔顧主〕同伙計一樣要做,而〔顧主〕的人工同個〔伙記〕一樣,甚至更低,而仲要孭風險上身,而又不受保障,仲要標籤為〔無良顧主〕,真係搵隻狗去做!




唉吔僱主慘變無良老闆  

 
香港環境衛生業界大聯盟召集人甄瑞嫻:「點解要話我哋係無良僱主?我哋只係唉吔僱主,我哋如果真係賺咁多錢,我就真係唔會做呢個行業,會去炒樓,唔使咁煩,擔驚受怕,成日俾人攞出嚟鬧。」



YOKI WONG:香港真是有很多行業其實都是冇乜錢賺,不要說我的,我知其他行業的,都是一樣得個做字!所以現時的社會情況,是迫人去〔炒〕的!


出版界僱主葉世雄:「政府要我哋傾掂佢,但係已經label晒冇得傾,萬幾蚊人工嗰位同事都問,你會唔會剋扣我假日錢?剋乜鬼扣?你萬五蚊一個月就萬五蚊一個月,我計你唔計你都係萬五蚊,但係啲員工就入晒腦,話你唔畀就係剋扣!」



YOKI WONG:葉生可能都想唔DO,不過是有〔市場離開障礙〕,所以唔係佢想唔DO就話唔DO,所以鋁窗裝飾公司負責人張偉泉先生說:佢係唔係要我哋監生吞?


亦有大廈管理公司東主表示,實施最低工資,會令管理費即時增加4至5成。





YOKI WONG:我都知有一些單幢的大廈,那間所謂〔管理公司〕都是以大概一萬多些接了一幢大廈的所謂管理來做,而收了那一萬多蚊,就要請個〔食蕉〕睇門口,所以有一些大廈,由於唔夠價,晚上隨時冇人睇場;按以往的工資,一更的〔食蕉〕人工為〔6毫子〕計,兩更已畀人工〔皮2〕,剩番那些錢,又要包清潔,倒垃圾之類,所以有幾多$賺,大話有數計了!如果個〔食蕉〕由原本〔6毫子〕加到近〔9毫子〕一個月,那麼有冇可能唔加管理費?而家行行的競爭那麼大,唔通有好多水位走嗎?


勞工及福利局政治助理莫宜端出席苦水會,向在場人士解釋政府的立場,明白新制度實施需要適應期,而僱主關注的細節,在法例草擬的過程中亦已作考慮。她逗留半小時後離開,離開時現場噓聲四起。

文員月薪八千 

有僱主表明,若要計支持有薪休息日和飯鐘錢,最低工資的總數超過8000元,將不會再聘請學徒或傷殘人士。另外,有僱員擔心,年紀大學歷低的員工會首先被裁,找新工作亦會更加困難,政府是好心做壞事。

美容業僱主關鎮宇表示:「(學徒)由一張白紙,我要教佢,我可唔可能用6,000至8,000蚊人工,或者更高嘅人工請佢?咁呢堆人到最後咪失業?」


YOKI WONG:先前,我在跑馬地黃泥涌一個單幢式的大廈有一單工程,那個呀伯的人工是5千幾蚊一個月,點解佢要走去這裡每天坐12個鐘呢?原來這個呀伯當年已70多歲(雖然唔似,看起來只有50多歲吧,香港的男人真襟老!),已沒有人會請,所以唯有在此地〔食蕉〕!而那個呀伯同我說,這間公司(管理公司)都是貪我幾千蚊人工,年紀大走唔甩,先至請我之麻,如果公司出得7,8千蚊,梗係請個後生好過我啦!由於呀伯有〔自知自明〕,所以佢亦預期,佢會因最低工資的實施,焗住要〔退休〕!如果呀伯有條件〔退休〕,一早就〔退〕左了,唔好以為〔蕉〕好好食,坐12粒鐘,對住四幅牆,同做監躉冇乜分別,所以呀伯最後都要北上番鄉下了,但以香港的制度,上了大陸,生果金又冇埋,拿綜緩,交埋租之後唔知食乜!真係慘!


經營運輸公司的梁先生稱,業內行佣金制,一年內有五至六個月為業務高峰期,司機薪金一定高於最低工資,但在淡季,如復活節假期,他們安排不到工作給司機,不知應否繼續支薪,「迫我哋行業洗牌,重新執過晒所有合約」。


亦有中小企負責人批評,最低工資實施後,清潔工人月薪也有9,000元,現時月薪8,000元的文員,可能會因此而辭職。



另外,雜工何女士:「你試諗一下,自己做老闆,負擔大咗,好自然就要裁員,裁乜嘢?裁我哋呢啲年紀,好容易搞到我哋冇得做,希望佢唔好搞咁多嘢囉!」
 

殘疾者怨人工因加得減

最低殘工資下月實施,殘疾人士可決定接受工作能力評估,或維持現有工資。有殘疾人士團體表示,已收到20至30宗求助個案,指有僱主在答應支付時薪28元的最低工資時,卻要求殘疾僱員減工時,或由全職變兼職,涉及私人機構和社會企業。

失明女車衣加薪減工時

失 明的苑玲,在盲人工廠當製衣女工,每天工作八小時,月入約4200元。近日她的僱主要求她在最低工資實施前簽署新的工作安排和準則,收入並無增加:「這個 當然不公平...新合約要削減我嘅工時,削減我嘅雙糧,同埋削減我嘅勤工(獎金)。僱主答應給我28元(時薪),但他削減我的工時,變相左減右減,便與我 現在的人工打和,沒有分別。」


一半攞綜援金額達三億


爭取殘疾最低工資聯盟發言人羅偉祥稱,他們近日收到20至30宗殘疾人士求助個案,包括被要求減工時,或由全職變兼職,涉及私人機構及社會企業,有殘疾僱員因害怕被炒而不接受評估。



他又指,現時殘疾僱員可以選擇繼續受聘於現有薪金。
如果不願意,僱主又不提供最低工資,僱員就要啟動法例中的工作能力評估,再計算薪金。他希望現職的殘疾人士可以豁免評估機制,由政府補貼,令他們可以受惠於最低工資,享有跟普通人同等的權利。


理大應用社會科學系講師張超雄估計,全港有近13000名殘疾僱員受最低工資影響,推算若有一半僱員因新例影響被解僱,他們轉而領取綜援的金額會高達三億元。


YOKI WONG:以上咁多問題,應該要〔請教〕〔你焯人〕罷番平佢,總之此人的立場就是企在所謂的草根階層一面說話, 並不是企在〔道理〕的一方!

他時常一見到一些對佢班客有一些不利的情況,就有理冇理把他們的顧主扣上〔無良〕的帽子!

顧員的老闆是誰?
顧主是也!

顧主的老闆是誰?

客人是也!

所以所謂的老闆,其實都是一件產品或服務,由〔生產者〕轉到〔消費者〕的夾心階層!

只不過〔顧主〕是 〔顧員〕的上家,而〔顧主〕的上家是〔顧客〕,所以〔顧員〕叫 〔顧主〕落牌的時候,〔顧主〕也要叫佢上家〔顧客〕落牌,而所謂的〔顧員〕其實自己也是扮演〔顧客〕的角式!

在這場3人麻雀上,基本上只是一個循環,而在這張麻雀檯上,3家都有3家的難處,而最著數的是誰?
就是在旁觀〔抽水〕的,即〔地主佬〕!

所以無論3家牌邊一家贏,邊一家輸都好,食梗的,都是打麻雀抽水的!問題不是出於3家其中一家身上,而是在抽水抽得深唔深的問題!

朱總理有一句明言:先打老虎後打狼!
而〔你焯人〕只是做到:

不打老虎不打狼,幫隻花貓去打羊!
無他也,因為這些人就是他的真正老細,沒有草根,何以有〔你焯人〕?

YOKI WONG

4 則留言:

匿名 提到...

Totally SUPPORT^^
很久之前覺得(你x人)是人民英雄,但近年當我接觸多了不同的新聞及分析,才發現此人只是一名只懂指指点点、攻擊他人卻又沒有真正建設,呃神騙鬼的人!
發起最低工資的人係佢,無預計後果的人係佢,政府無奈跟住做,結果出現差子,條友又罵政府無遠見! X!當初又唔見佢有遠見? 出咗事就把責任推俾人地,係又罵,唔係又罵!跟他於還富於民,回水六千一樣,神又係佢,鬼又係佢。又話高官無用,要扣人工,咁佢咁Bull shxt,係唔係更加要扣佢人工,佢用假文主阻住香港發展,更是活罪難饒!

YOKIWONG 提到...

所以我對民主的有一定的〔保留〕!

何解?

就算是香港那麼咁有知識水平的平方,都可以發生〔盲搶塩〕事件,可見群眾是十分容易被利用!

在股票市場上,大戶很多是製造昇平,又製造恐慌,也是利用群眾!

我一早已說這個最低工資是行唔通,而問題亦不是在於僱主身上,而是在〔租金〕太貴的問題上...

有時間再分析下去...

多謝支持.

YOKI WONG

匿名 提到...

大力支持!!
沒有最低工資,邊有咁多“閒人”;沒有咁多“閒人”,點會有(你x人)!?沒有(你x人),佢老婆姨仔都會變番“閒人”!

匿名 提到...

我都認為係 租金 太高既問題
租金佔成本太多 鬼叫政府唔敢打大鱷 最低工資做一半又唔做一半....
受苦只有中小企同打工仔