「幾時先跌完丫？」跌市反敗為勝之法！

近來市場又再轉跌，「幾時先跌完丫？」呢句口頭禪，又在一些網上論壇出現。

昨日，港股收報21,096點，瀉207點，較四月底收市價28,442點及盤中高位28,588點累挫兩成半以上。係港股反幅乏力下，好多人開始講熊市要開始步入熊三了。

大家都知道，香港每隔十年八載，就會發生一次股災，包括1965年，1973年，1982年，1987年，1997年，2008年等。對於新一輩的股民黎講，記憶最猶新的股災肯定是08年既金融海嘯。

其實，金融市場本身的機制就係一個不穩定的市場，因為市場上充斥著投資者的情緒，而人的情緒本身就是不穩定的，所以每隔三五年，搞個小型股災並不是香港獨有的現象，而是存在於全人類的所有其他的股巿。一個標準的熊市是下跌三至五成，現在雖然還未到，但是一旦標普五百跌穿去年十月低位，1886點的頸線(見附圖)，美股還是有機會，再經歷一下飛流直下三千尺的苦日子。

雖然真正的大熊市尚未出現，不過之前買牛市仍未完的股民，也應該已經輸到要脫褲子了。如果以一場球賽來說，現在是四比零，反敗為勝的機會不是無，只係好難追了。無錯，股市從熊市轉向牛市時，係是贏得最快，亦是最容易贏的第一水。不過市場幾時見底，縱使是非常聰明的智者亦好難估得中。

相信只有堅持長期作戰，永不投降的「勇者」，才能夠係熊轉牛的關鍵時刻，以迅雷不及掩耳之勢，比別人早入埸掃貨。然而「勇者」的全職炒股之路，係好難行架。除非你有足夠的資本慢慢等待，否則日常的經常性開支將會係重大考驗。因為你唔知熊市何時才會完結，唯一能做的就只是痴痴地等。但等到你冇錢開飯交租時，你也可能要被逼賤價沽出手上的股票。

筆者執筆之時，道指還跌緊過百點，市況未明，買賣策略仍是唔買保平安。跌市反敗為勝策略之一，翻工賺多些子彈先。

一劍

２０１５年９月２５日＠大方向